Subscribe:

Ads 468x60px

08 September 2010

अन्योलको पिटाइ

 
“खानु आफ्नो रोजाइ अनुसारको, लगाउनु अरूको रोजाइको ।”
यही आहान अरू कुरामा पनि लागू हुने रहेछ । जस्तो कि पछिल्लो समय म पुस्तक प्रकाशनको योजना बुन्ने क्रममा अलमलिएँ । लेखनको सुरुवाती क्रमका हिसाबले मैले गजलकै सँगालो निकालूँ भन्ने जोड दिएँ । यसो सोचेँ, अहिले पनि किताबमा नसमेटे त यी गजल खेर नै जानेछन् । खास समयमा लेखिएका र मेरो सर्जकीय उमेरअनुसारको रचना पनि होलान् केही, अलि नमाझिएका । ती पनि बिस्तारै मैले मेरो डायरीबाट थुतेर फाल्नुपर्नेछ पुस्तक बेलैमा ननिकाले । book_blank2
उता साथी र शुभेच्छुकहरूले भने 'लौ कवितासङ्ग्रह निकाल्नुपर्छ' भन्नेमा ध्यानाकर्षण गरेका छन् । उनीहरूको आकलनमा गजलको तुलनामा कवितामा मेरो पकड केही बलियो छ रे ! 
एक जना प्रवासी साथीले त कतिसम्म हाकाहाकी भन्नुभएको छ भने, "तपाईँको गजल नै पटक्कै मन परेनन्" भनेर झटारो हान्नुभयो । मैले त्यसलाई उहाँको पाठकीय अधिकारको रूपमा मान्दै टिप्पणी सकारेँ ।
हो पनि, म आफैँ पनि गजल लेखनका क्रममा अलि उकुसमुकुस बन्न पुग्छु, कवितामा भने छताछुल्ल हुन पाउने खुलापन अनुभूति गर्दै रमाउँछु । कवितामा जीवनदायी अक्सिजन भएको भान हुन्छ । जोरजाम म गजल सङ्ग्रहको पनि गर्दैछु, साथमा कविताकृतिको लागि कविताहरू ताछतुछ र माझ्ने काममा पनि लागेको छु । अब थाहा छैन, कुन पल्ला भारी हुनेछ र कुन कृतिको गर्भाधान हुने हो अगाडि ? अहिलेसम्म चाहिँ अन्योलकै पिटाइबाट रन्थनिएको छु ।
गजलसङ्ग्रहको लागि तयार पार्दै गरेको सङ्कलनबाट तानेर एउटा गजल यहाँ पस्किँदैछु ।


यसकारण यहाँ चुप बसिएको छ
आवाजहरुले मुख भरिएको छ ।

पखाला लागेको हो यो समयलाई नै,
कमजोरीले यो आँखा भासिएको छ । 

जतासुकै झुकाउन सकिन्थ्यो होला शिर,
गाह्रो यही छ  शिर आधा ताछिएको छ ।

तलामा जो सबैभन्दा बस्छ माथि,
उसकै कारण यो घर थलिएको छ ।

भो नबताऊ को-कति छ इमान्दार,
थाहै छ कसले कति सम्झिएको छ ।

4 comments:

  1. Interactions on literary work and feedbacks are important. The attitude of making outright negative comments does not lead to further refinements ot improvements in future.

    I wish you best of luck, Just love people being creative.There are some institutional problems so far as distribution and tapping market leads, are concerned;these are the issues to be addressed seriously by businessmen(publishers) not the authors.

    ReplyDelete
  2. No worries guru..... only appreciating words do not increase our capability, but sometimes these negative words makes us brilliant. Keep it up... Your words always touches the heart.

    ReplyDelete
  3. hehe dear dhaiba it happens. ma ni anyol ra tanav mai thiye, chhu ra rahanechhu...hamile rojekai tehi chhau ni..

    ReplyDelete
  4. Will be waiting for your book....it is so good to hear that you are planning for it....All the best... I want it in my hands very soon... :)

    For the gazal

    It speaks so many things outrage, love, pain, dissatisfaction , desires, identity and much more things....Its awesome...

    ReplyDelete