July 12, 2012

नागी गुम्बामा एक फन्को

‘पहिला देश, अनि विदेश’

पर्यटन प्रवर्द्धनका लागि नेपाल पर्यटन बोर्डको यो नारा जब-जब सहरका विभिन्न ठाउँमा देख्छु, चिमोटिन्छ मन । अरे भाइ, तँ त कुवाको भ्यागुता नै छस् भनेर थकथकी लाग्छ । विदेशको कुनै मोह छैन अहिलेसम्म (पछि के हुन्छ, परिवर्तनशील सांसारिक नियमविरुद्ध छुइनँ म), तर स्वदेशकै धेरै ठाउँमा टेकेको छैन यो ज्यानले । टेलिभिजनका पर्दा, पत्रपत्रिका र पर्चा-पम्प्लेटका पानामा देश-दर्शन गरेको लाजमर्दो अनुभव छ ।

आफ्नै जिल्लाको पहाडी इलाकामा पुग्न नसकेको पाइला काठमाडौं बसाइका क्रममा पनि यस छेउछाउका लोभलाग्दा ठाउँमा जाने कुरा सोचकै सूचीमा थन्किएर बसेका छन् । कहिले जुर्ने हो मेसो, अनिश्चित नै छ । सुनाउँदा पनि बकवास जस्तो लाग्ने व्यस्तता नामको चिप्लेकीराले गुटुङटुङ चिप्ल्याइरहेछ । यस्तो चेपाचेपका बीच पनि काभ्रेको नेपालथोक, साँगास्थित महादेवको अग्लो मूर्ति, शिवपुरी-सुन्दरीजल हाइकिङ, बालाजुमाथिको जामाचो गुम्बा, नुवाकोटको ककनी, ललितपुरको लाकुरीभञ्ज्याङ लगायतको सयर गरियो ।

चिसापानी जाने मनको भाका भने मनभरि नै छ अझै ।

बरु तीन महिना अघि लहडै लहडमा साथीहरुसँग शिवपुरी राष्ट्रिय निकुञ्ज क्षेत्रमा रहेको नागी गुम्बा गइयो । कुनै ठाउँ कति मनमोहक र आकर्षक छ भन्ने कुराले भन्दा त्यस ठाउँको यात्रा कसरी गरियो भन्ने पक्षले मिठास दिने हो र यादगार पनि यात्रामा भएका कुरा नै बन्ने गर्छन् । नागी गुम्बाको यात्रामा पनि पाँच भाइले रामरमाइलो गर्दै ती पलहरुको याद गाढा बनायौं । जीवन यात्रा हो भन्छन् । तर यात्राको नाममा वल्लो घर र पल्लो घर र बस्तीको यो मोड र पल्लो कुनाभन्दा अलि फैलिएर हेर्ने हो भने स्वर्गीय यात्रा यही जीवनमा गर्न पाइन्छ ।

नागी गुम्बा जाँदाका केही तस्बिर हेर्न भित्र आउनुस् :

Nagi-Gumba-Way-1

 

 

Nagi-Gumba-5

 

Nagi-Gumba-1

 

Nagi-Gumba-2

 

Nagi-Gumba-3

 

Nagi-Gumba-4

 

Nagi-Gumba-Padhme

 

Nagi-Gumba-7

 

Nagi-Gumba-7

 

Nagi-Gumba-Way_Tap

 

Nagi-Gumba-Way-GoGreen

No comments:

Post a Comment