------ गजल ------
महबात सुनाइमा अल्झिनु छमाकुराको बुनाइमा अल्झिनु छ ।
जलारीले खुला नदी जेल पार्यो,
त्यही तातो थुनाइमा अल्झिनु छ ।
मान राख्न कसैलाई फूल भई,
सियोधागो उनाइमा अल्झिनु छ ।
आँखा तिम्रा दृष्टि होइन दृष्य बन्छन्,
कुनै लोभी चुनाइमा अल्झिनु छ ।
अङ्क जस्तै दायाँबायाँ मिल्किएर,
जिन्दगीको दुनाइमा अल्झिनु छ ।
6 Comments
मेरो आफ्नो परिस्थिती सँग आसान्दर्भिक भए पनि गजल चाँही राम्रो लाग्यो...
ReplyDeleteआफुलाई त मणीको कबितामा भने जस्तै भा'छ
म
भर्खर धितोमा राखेर धनिपुर्जा
ऋण मुक्त भएको छु;
पारपाचुके गरेर फर्किएको छु अदालतबाट
र स्वतन्त्र भएको छु..
त्यसैले साथी
अहिले नै फेरी अल्झिनु छैन..
साँच्चै कति धेरै अल्झने ठाउँ छन् है जिन्दगीमा ! यता, उता जताततै बाध अड्चन मात्रै !!
ReplyDeleteजे होस् गजल चैँ मनपर्यो मलाई !! ट्वाक्क पारेर लेख्नुभएको रहेछ ॥
जिवन जी को फेरिएको ब्लग ठेगानाले गर्दा केहि महत्वपुर्ण पोस्टबाट टाढै बस्न पुगेछु। फेरि साथिहरुको घरभित्र छामछुम गर्दै छिर्ने मौका पाए ।
ReplyDeleteसटिक भावको मिठो प्रस्तुति लाग्यो गजल । स्वतन्त्रताको खोल ओढेर माकुराको जालोमा अल्झिए झै अल्झिएर बस्नुपर्ने बिडम्बनाको बेजोड प्रस्तुति ।
साच्चै धाइबा जि यो जिन्दगी पनि बेजोडको छ,समयको यो दौडाहामा हरेक कुरामा भ्याइ नभ्याइ छ हजारौ मनका इच्छाहरुलाई कुनै कुनामा मिल्काएर अरुको खुशीमा रम्न भ्याउनु छ कसै सँग भेटेने बहानामा अर्कोसग छुटिनु छ, कसैलाई हसाउनको लागि अर्कोलाई पिंडा थोपरी दिन पनि भ्याउनु छ यही हतारै हतारको यात्रामा कहिले अड्किन्छ जीवन जालो भित्र माकुरो अड्केझै त कहिले नफा र घाटाको गणितिय हिसाब भित्र फस्न पुग्छ। अत्यन्त मन छुने गजल।
ReplyDeleteमान राख्न कसैलाई फूल भई,
ReplyDeleteसियोधागो उनाइमा अल्झिनु छ ।
आँखा तिम्रा दृष्टि होइन दृष्य बन्छन्,
कुनै लोभी चुनाइमा अल्झिनु छ ।
ई शेरहरुमा चैं साह्रै चित्त पर्यो ।
गजलप्रति निरन्तर सद्भाव राख्नुहुने सबैलाई आभार !
ReplyDeleteमिलनजीको टिप्पणीमा केही भन्न मन लाग्यो ।
आफ्नो परिस्थितिसँग नमिले पनि गजलप्रति चाख जनाउनुभएकोमा खुसी लाग्यो । अल्झिने प्रसङ्गमा कुरा गर्दा, अल्झिनु हाम्रो रोजाइ त पक्कै हुन सक्दैन । जीवनमा हामी जति पनि सङ्घर्ष र घिसापिटानमा होमिन्छौँ, थोरै भए पनि सूख-सुविधा र सुल्झाइयुक्त सहज जीवनयापन हुन्छ कि भनेरै हो । तर रोजाइ नहुँदानहुँदै पनि अल्झिनु हाम्रो भोगाइ त बन्छ नै विभिन्न मोडमा । यो मानवीय तथा अन्य प्राणीगत नियति र विडम्बना हो । यही शाश्वत पाटोलाई इङ्गित गर्दै यस गकजलमा मैले भाव भरेको हुँ ।
सिकारुजी फेरिएको ब्लगठेगानाबारे सबै शुभेच्छुक मित्रजनलाई सूचित गर्ने सोच भए पनि कहीँ प्राविधिक समस्या र कहीँ आफ्नै सुस्तताले त्यो हुन सकेन । र पनि ठेगाना त जसरी पनि आत्मीय मनले पत्तो पाएरै छाड्ने रहेछ । यसमा भने म खुसी छु ।